Белгија го ектрадира терористот Салах Абдеслам во Франција

Белгиските власти го екстрадираа во Франција Салах Абдеслам, главниот осомничен за терористичките напади во Париз, каде го очекува судење, соопштено е денеска во Брисел.

Тој беше ранет, а потоа уапсен, за време на драматичната и опсежна рација на 18 март годинава, во Брисел, откако четири месеци се сокриваше.

Абдеслам (26) е роден во белгискиот главен град, но има француско државјанство. За него се знае дека живеел во Брисел, до пред извршувањето на терористичките напади.

На 13 ноември минатата година, во координирани напади со експлозив и огнено оружје, на неколку различни локации во Париз, беа убиени 130 лица, а десетици други беа повредени.

Одговорноста за сите напади ја презеде исламистичката милитантна група Исламска држава (ИД).