Бела куќа: Го следиме вонредниот развој на ситуацијата во Сирија

Американскиот претседател, Џо Бајден, и неговиот тим ги следат вонредните настани во Сирија и се во контакт со регионалните партнери, соопшти денеска Белата куќа.

„Претседателот Бајден и неговиот тим внимателно ги следат вонредните настани во Сирија и се во постојан контакт со регионалните партнери“, се вели во соопштението на Белата куќа.

Соопштението уследи по веста дека сирискиот претседател Башар ал Асад се качил во авион и го напуштил Дамаск на непозната дестинација, додека бунтовниците објавија дека влегле во главниот град без никаков знак за распоредување на армијата.