Бектеши: Укинувањето на балансерот води кон дестабилизација

Поранешниот министер за економија од ДУИ, Крешник Бектеши вели дека се можни тензии по укинувањето на балансерот. 

„Јас мислам дека потезите на Мицкоски и коалицијата Вреди водат кон дестабилизација и тие самите сакаат да дестабилизираат. ДУИ, Ахмети и ние како претседателство на партијата јасно кажавме дека на нашата држава не ѝ треба дестабилизација, но во спротивно требаат разговори и треба дијалог каде што сите ќе бидат еднакви во оваа држава“, вели тој во интервју за Радио Слободна Европа.