Бектеши: КИЕЛ Македонија почнува со изградба на нова фабрика во ТИРЗ Тетово, инвестиција од 9,2 милиони евра и 300 нови вработувања
Почнува реализацијата на нова инвестиција на КИЕЛ Македонија во ТИРЗ Тетово. Компанијата КИЕЛ, која е водечки производител на седишта за возови и автобуси, почнува со изградба на новиот производствен погон во ТИРЗ Тетово, инвестиција од 9,2 милиони евра, напиша министерот за економија Крешник Бектеши на својот Фејсбук профил.
Во новиот производствен погон во Тетово, кој ќе се простира на површина од 7.500 квадратни метри, како што посочува, предвидено е да бидат отворени 300 нови работни места за лица од Полошкиот регион.
– Министерството за економија даде согласност за потпишување на договор помеѓу Друштво за производство на внатрешни компоненти КИЕЛ Македонија и НОРМАК инвестмент гроуп со што почнува реализацијата на оваа нова инвестиција, истакнува Бектеши на ФБ и додава дека според планот за реализација новиот погон КИЕЛ Македонија ќе започне со производството до крајот на 2022 година.
Ново на Сител
-
Тема на денот со д-р Никола Пановски
-
ИЈЗ: Четворица вработени на ЗОО под надзор, еден ќе се тестира за птичји грип
-
Партиски реакции: Одговорност за Арсовска за птичјиот грип во зоолошка
-
Утре почнува вакцинацијата против сезонски грип
-
КСОМ: Газди на приватни фирми спречувале работници да влезат во синдикат
-
ДУИ не дава поддршка
-
Втората најголема градинка во Македонија ќе биде во Прилеп
-
Скрининг или рана детекција на карцином на дојка