Бејл во составот на Реал за пријателски натпревар со Рома

Напаѓачот Герет Бејл е вклучен во составот на Реал Мадрид за пријателскиот натпревар против Рома.

Претходно беше објавено дека 30-годишниот Велшанец не е во плановите на тренерот Зинедин Зидан и веројатно ќе го напушти тимот ова лето.

Главен претендент за услугите на Бејл беше кинескиот Џијангсу Сунинг, но страните не можеа да постигнат договор.

Исто така, постоеше опција играчот да оди во некој од англиските клубови, Манчестер хунајтед и Тотенхем, но трансфер-прозорецот веќе е затворен во Англија.

Така, веројатно е дека Бејл ќе остане во Реал, барем до зимата.

Пријателскиот натпревар Реал Мадрид – Рома ќе се одржи вечер од 20 часот на „Олимпико“ во Рим.