БДП по глава на жител вo Македонија е половина од оној на ЕУ
Во Северна Македонија, бруто домашниот производ по глава на жител е 59 отсто под просекот на ЕУ, покажуваат официјалните европски статистики.
Меѓу земјите-членки на ЕУ, Луксембург има највисок БДП по глава на жител, а Бугарија има најнизок.
Европската статистичка служба Евростат денеска соопшти дека БДП по глава на жител, мерка за економската активност, значително се разликува меѓу земјите-членки на ЕУ.
Во Луксембург, според податоците за 2023 година, БДП по глава на жител е за 139 отсто над просекот на ЕУ, по што следат Ирска (111 отсто) и Холандија (30 отсто). Високиот БДП по глава на жител на Ирска може делумно да се објасни со присуството на големи мултинационални компании кои поседуваат интелектуална сопственост.
Уште осум земји имаат повисок БДП по глава на жител од просекот на ЕУ - Данска, Австрија, Белгија, Германија, Шведска, Финска, Малта и Франција.
Бугарија има најнизок БДП по глава на жител, 36 отсто под просекот на ЕУ, потоа Грција (33 отсто) и Летонија (29 отсто).
Земјите од ЕФТА, Норвешка, Швајцарија и Исланд, исто така, имаат повисок БДП по глава на жител од просекот на ЕУ, за 73 отсто, 54 отсто и 34 отсто.
Меѓу земјите кандидати за членство, Турција има највисок БДП по глава на жител, 27 отсто помал од просекот на ЕУ, а по неа е Црна Гора (48 отсто под просекот).
Во Србија, БДП по жител е за 54 отсто помал од просекот на ЕУ, а во Албанија и Босна и Херцеговина за 65 отсто.
Во Србија разликата во однос на просекот на ЕУ постепено се намалува од 2013 година, кога изнесуваше 59 отсто.
Ново на Сител
-
Папата Лав Четиринаесетти повика да се дозволи влез на хуманитарна помош во Појасот Газа
-
Приведен измамник од Велес, на интернет продавал наводно благословени предмети
-
Во МЕПСО им се барало мито на инвеститори, Мицкоски очекува наскоро да бидат обелоденети ваквите тврдења
-
Фрлил шише со запалива течност на влезна врата од казино во Чаир, пробал да го запали
-
Двајца основци од училиште кај Бит Пазар нападнале соученик со остар предмет
-
19-годишен возач со „БМВ“ удрил 81-годишен пешак во Тетово
-
Мицкоски: Не го знам името на новиот гувернер, ќе имам средба со претседателката
-
Каја Калас во петок во Скопје на средба со премиерот Мицкоски