Базиликата „Свети Петар“ ги отвори своите врати
Базиликата „Свети Петар“ срцето на Ватикан, којашто беше затворена од 10 март, ги отвори своите врати, симболизирајќи го враќањето на релативната нормалност во Италија, која со отворањето ресторани и кафулиња влезе во втората фаза на ослободување на мерките воведени за борба против пандемијата.
Базиликата „Свети Петар“, срцето на Ватикан, којашто беше затворена од 10 март, исто така ги отвори своите врати. Беше дезинфицирана кон крајот на минатата недела и сега прима посетители, но во ограничен број и со неопходно почитување на просторите.
Папата Фрањо во неделата рече дека тоа е „знак на надеж“, но ги повика сите да ги почитуваат мерките што ќе гарантираат на здравјето на сите.
Миса сè уште нема да се одржува во базиликата, но затоа се планира напладне да се одржи миса во Дуомо, готската катедрала во Милано, симболот на Ломбардија, провинција најтешко погодена од Ковид-19.
Италија беше првата земја што прогласи карантин пред два месеци заради ширењето на коронавирусот. Земјата е сè уште трауматизирана, со 32.000 мртви и економија којашто е на колена, но од 4 мај почна да се чувствува зракот на слободата, кога беше прогласен „полукарантин“, со што беа ублажени мерките за ограничување на движењето до одреден степен и започнаа да функционираат некои делови од економијата.
Вчера во центарот на Рим, кој сè уште е празен од автомобили и туристи, имаше многу луѓе, шетачи, велосипедисти, тркачи. Со заштитни маски на лицето, тие се движеа околу Колосеумот, Трајановиот пазар и Римскиот форум, под будното око на карабиниерите кои внимаваа да не се собираат граѓаните во преголеми групи.
Ново на Сител
-
Мицкоски за случувањата со Арсовска: Дадов коментар, не би имал што да додадам
-
Мицкоски: ВМРО-ДПМНЕ ќе поддржи една изборна единица со право да гласа и дијаспората
-
Јаневска: Имам информации за десетина ученици што препишувале на испитот
-
Од први јуни авиолинии до уште три градови во Турција
-
УХМР: Не очекува потопло и посушно лето
-
Кулминација на конфликтите меѓу САД и Кина: студенти, компании, минерали, чипови
-
Лавров и Рубио разговараа за Украина во пресрет на денешната рунда мировни преговори во Истанбул
-
Русија ноќеска соборила 162 украински дронови