Македонија
1. August 2019 - 19:35

Баздникин: Соработката меѓу двете држави е одлична, но може да биде подобра

По 5-ти јубилеен пат Руската федерација претставувана од амбасадорот на Русија во Македонија, Сергеј Баздникин, на Споменикот на руските војници кој се наоѓа на германските гробишта во Припеп, го одбележаа „Денот на сеќавањето“ во спомен на руските војници кои загинале во Првата светска војна. На споменикот беше положено свежо цвеќе, a Баздникин порача дека конфликти од ваков виид никогаш не треба да се повторат.

„Пораките кои ги извлековме од таа војна зборуваат за тоа дека треба да преземеме се оваа трагедија никогаш да не се повтори и секако оддаваме почит на сите загинати Руски војници кои на територијата на вашата земја ги има околу 5.000“, истакна амбасадорот на Русија во Македонија, Сергеј Баздникин.

Запрашан за тоа каква е соработката помеѓу Македонија и Русија Баздникин само кратко одговори дека е добра, но требало да се работи на нејзино подобрување. Сепак не сакаше да конкретизира во кои полиња и како да се подобри.

Присутните упатија порака дека ова војна е доказ дека сите конфликти и недоразбирања треба да се решаваат со дијалог.

„Нека ова ни служи како една препорака, како едно предупредување сите недоразбирања, конфликти, и проблеми помеѓу националностите, меѓу државните, меѓу соседите да се решаваат на мирен начин, а не преку војна“, изјави Илија Јованоски, градоначалник на Прилеп.

Претставници на МПЦ одржаа и панихида за загинатите војници.