Бармен куп во Гевгелија

Седмото издание на „Вигор Бармен“ купот, најголемиот натпревар во подготвување коктели во Македонија, почна денеска во казиното „Фламинго“ во Гевгелија.

На дводневниот настан учествуваат повеќе од триесет коктел мајстори од целата држава кои ќе се натпреваруваат во две категории. Во првата категорија приготвениот коктел ќе се оценува по вкус и изглед, а втората категорија претставува натпревар за барменски акробации и атрактивно подготвување коктели.

Натпреварувачите ќе ги оценува жири комисија составена од коктел стручњаци од Хрватска, меѓу кои се наоѓа и хрватскиот шампион Карло Дамјаниќ,освојувач на четвртото место на Светското првенство.

Организаторите на настанот потенцираа дека основна цел на натпреварот е коктел културата да се издигне на повисоко ниво и да си го заземе вистинското место во Македонија.