Австралискиот премиер оддаде почит на кралицата Елизабета Втора со церемонија на положување венци

Австралискиот премиер Ентони Албанезе денеска и оддаде почит на британската кралица Елизабета Втора со церемонија на положување венци во Парламентот во Канбера.     Премиерот Албанезе, генералниот гувернер Дејвид Харли и други високи личности прошетаа низ Парламентот до Квинс Тераса, каде положија венци на бронзената статуа на кралицата Елизабета Втора.

Кралицата, која почина на 96-годишна возраст, ја откри својата бронзена статуа на терасата во 1988 година додека беше во посета на Австралија за отворањето на новата зграда на Парламентот.