Австралиската полиција употреби солзавец поради немири во бегалски камп

Полицијата на австралиските Божиќни Острови морала да употреби солзавец, со цел да ги смири немирите во прифатен центар за илегални мигранти, при што се повредени пет лица.

Немирите започнаа вчера по ненадејната смрт на еден ирански мигрант, чие тело било пронајдено на брегот од островот, кој се наоѓа во Индискиот Океан.

Властите соопштија дека преземале мерки за враќање на ситуацијата под контрола.

Според медиумите, на островот има над 200 илегални мигранти, кои се обиделе незаконски да стигнат со бродови и чамци до Австралија, но биле пресретнати од австралиските патролни бродови на отворено море.