Свет
26. August 2019 - 8:41

Австралија разгледува цензура на екстремистички материјали на интернет

Австралиските власти разгледуваат блокирање сајтови што шират отворено содржини за насилство и тероризам. Тоа го соопшти австралискиот премиер Скот Морисон на средбата на Г7 во Биариц. Морисон е на самитот по покана од домаќинот, францускиот претседтаел Емануел Макрон.

-Ние правиме се што можеме за да спречиме можност терористите да ги глорифицираат своите злосторства, рече Морисон.

Покрај тоа, владата разгледува и воспоставување законодавство што ќе ги присили веб-страниците и дигиталните услуги подобро да спречат ваквиот вид на ширење на криминалниот материјал преку зајакнување на нивните мерки за безбедност.

Тоа прашање беше дискутирано во изминатите години, и најновиот притисок доаѓа како одговор на нападот во март 2019 година во Кристчрч, Нов Зеланд, кога социјалните мрежи беа обвинети дека не направиле доволно за да спречат хостирање и споделување екстремистички и насилни содржини на нивните платформи.