Аврамопулос: Ќе ја затвориме медитеранската бегалска рута, исто како и балканската
Начинот на кој ја затворивме балканската мигрантска рута, ќе го употребиме и за затворање на централномедитеранската мигрантска рута, изјави денеска еврокомесарот за миграциски прашања Димитрис Аврамопулос.
Како што јави дописникот на МИА од Брисел, оваа рута која води од Африка преку Либија, Италија и Австрија, па се до централна Европа, се очекува летово да биде активна со нов прилив на мигранти, но според Аврамопулос, Брисел сега е поподготвен за разлика од пред две години за справување со овој наплив.
- Она што го направивме со балканската рута, сега очекуваме на сличен начин да го направиме и со другата рута. Ја следиме ситуацијата одблиску и внимателно мониторираме. Можно е бројките на бегалци да се зголемат летово, но сега сме подобро подготвени за разлика од пред две години. Оперативни сме на земја, Грција и Италија се поддржани од наши експерти, што не беше случај пред две години, изјави комесарот Аврамопулос.
Според првиот човек за миграциски прашања на Унијата, започнат е тренингот на либиската крајбрежна стража со цел да им се помогне на властите во земјата да управуваат со своите територијални води. Ова е од причина што за разлика од договорот со Турција, кој доведе до затворање на балканската мигрантска рута, ЕУ нема таков договор со Либија поради внатрешните проблеми во земјата.
Сепак, Аврамопуос порача дека Унијата сега се справува со рутите и во самата Африка, што не беше случај пред две години, а заеднички се бори и против мрежата на криумчари на мигранти.
- Сепак, кога станува збор за бројките на мигранти, можам да кажам дека нема сличност на балканската со централномедитеранската рута, заклучи Димитрис Аврамопулос.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово