АВМУ и ДИК потпиша Меморандум за соработка

Агенцијата за аудио и аудиовизуелни медиумски услуги (АВМУ) и Државната изборна комисија потпишаа Меморандум за соработка. Основните цели на документот се размена на информации, меѓусебна помош преку давање стручни совети, соработка при постапување по претставки и поплаки и конкретни проекти кои се во функција на заедничките интереси двете институции, како и активности насочени кон подигнување на нивото на почитување на изборната регулатива.

Меморандумот, како што соопшти Агенцијата за аудио и аудиовизуелни медиумски услуги, произлегува од измените на Изборниот законик, согласно кои, двете институции се упатени на поблиска меѓусебна соработка, размена на искуства и информации во врска со претстојниот изборен процес.