Ауди се заби во трактор - две лица повредени

Вчера  во 18,30 часот во Секторот за внатрешни работи Скопје било пријавено дека на регионалниот пат Скопје–Тетово, се случила сообраќајна незгода во која се судриле патничко моторно возило „Ауди“ со скопски регистерски таблици, управувано од Ф.А.(31) од с.Буковиќ-скопско и трактор „ИМТ“ со скопски регистерски таблици на кој била прикачена приколка, управуван од Е.Ј. (55) од с.Чајлане-скопско. Во незгодата со тешки телесни повреди се здобил Е.Ј., а со телесни повреди се здобил Ф.А. и со возило на Итна медицинска помош биле пренесени во Комплексот клиники „Мајка Тереза“. Увид на местото на настанот извршила увидна екипа од СВР Скопје и се работи на целосно расчистување на случајот.