Атина и порача на Тирана: Пописот 2020 ќе покаже дали се почитуваат правата на малцинствата
Официјална Атина постојано повторува дека на патот кон ЕУ, Албанија ќе биде условена со правата на грчкото малцинство. Се чини дека главниот фокус на Владата на Киријакос Мицотакис е насочен кон пописот во 2020 година.
Ова го наведува тиранската телевизија Топ чанел, пренесувајќи притоа информација од одбележувањето на 29-годишнината од формирањето на друштвото на припадниците на грчкото малцинство „Омонија“.
На свеченоста, одржана во Дервичан, присуствувал и Констандино Власи, претставник на грчката Влада, кој во обраќањето рекол дека транспарентноста на албанската Влада за време на пописот ќе докаже дали се почитуваат правата на грчкото малцинство.
– Транспарентноста од страна на албанската Влада за време на пописот на населението во 2020 година ќе докаже дали се почитуваат правата на малцинствата, додека учеството на малцинствата во процесот ќе гарантира дека ние како заедница нема да ги повториме грешките од минатото, придонесувајќи во намалување на бројот на грчкото малцинство во Албанија, рекол Власи.
Ги повикал присутните да не продолжуваат со нивните грешки со меѓусебни конфликти, туку да се обединат за интересите на грчкото малцинство.
– Микрополитиката треба да се остави настрана и да се фокусирате на оние причини што создаваат единство и решенија, рече тој.
Власи повикал да не се повторуваат грешките при пописот на населението и на имотот на Грците, особено во Химара.
Тој ги повика припадниците на грчкото малцинство, на пописот што албанските власти ќе го спроведат годинава, да се попишат она што се и да ги исправат, според него, историските грешки направени на штета на грчката заедница пред повеќе години.
На свеченоста присуствувале и грчкиот амбасадор во Тирана, грчкиот конзул во Ѓирокастро, грчки пратеници од различни партии, митрополитот на Ѓирокастро и претседателот на Партијата за заштита на човековите права (партија на албанските Грци) Ванѓел Дуле.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово