Атанасов: Да не се стопира реализацијата на проектот за Скупи

Владимир Атанасов од ВМРО-ДПМНЕ денеска обвини дека во ребалансот на буџетот се намалени за над 80 проценти средствата наменети за реализација на проектот за античкиот театар Скупи.

- Овој антички театар од римско време е еден од најголемите и најзначајните објекти на Балканот и пошироко. Ова е еден од најважните проекти кој што во најмала рака наместо да го блокира, треба да го реализира СДС преку Министерството за култура, рече Атанасов на прес-конференција.

Новиот антички театар во Скопје, како што посочи Атанасов, било предвидено да има капацитет од 8 до 10.000 гледачи и на него да се реализираат бројни културни програми и концерти.

- Стопирањето на проекти кои се од огромно значење за граѓаните, не носи корист никому. Ве повикуваме да не ја стопирате реализацијата на проектот за Антички театар Скупи, истакна Атанасов.