Асанж најави борба против екстрадицијата во САД
Основачот на Викиликс Џулијан Асанж пред Судот во Лондон денеска изјави дека ќе се бори против испорачување во САД, кои го товарат за завера поради хакирање на компјутерите на владата.
На прашањето дали се согласува да биде испорачан во САД, Асанж рече дека се противи на екстрадицијата поради, како што рече, новинарството кое освои многу награди“.
Пред Судот во Вестминистер тој се појави преку видео-линк од лондонскиот затвор, каде служи казна од 50 седмици поради кршење на условната слобода пред речиси седум години, по што се криеше во амбасадата на Еквадор во Лондон.
САД го обвинуваат Асанж за заговор заедно со свиркачот Челзи Манинг со цел да се пробие лозинка во компјутерската мрежа на американската влада. Челзи Манинг, во тоа време Бредли Манинг, во 2010 година на Викиликс ѝ проследила стотици илјади тајни воени документи за воените операции на САД во Ирак и во Авганистан. Поради тоа американската влада поднесе барање за испорака на Асанж, која би можела да се одолговлечи со години.
Ново на Сител
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра