Асад се сомнева дека е можно да се воспостави примирје за една недела во Сирија

Сирискиот претседател Башар ал Асад денеска изрази сомнеж дека е можно во Сирија да се воспостави примирје за една недела, наведувајќи дека никој не е способен да донесе мир во такви околности.

По повод договорот на светските сили, постигнат во Брисел, дека примирје би било можно до крајот на неделава, Асад, како што пренесе Си-Ен-Ен, бил изненаден „дека се бара примирје во рок од една недела“.

– Добро, но кој е способен сите услови да ги обедини за една недела? Никој. Кој ќе разговара со терористите ако тие одбијат примирје? Кој ќе ги бомбардира?, запрашал Асад на состанок во Дамаск.

Според него, постојат многу прашања за тоа кои групи во Сирија може да се оквалификуваат како терористички.