Артман шокирана од ослободителната пресуда за Шешељ
Поранешната портпаролка на Хашкиот трибунал, Флоренс Артман изјави дека е шокирана од ослободителната пресуда за лидерот на српските радикали Војислав Шешељ.
- Не сум шокирана само поради ослободувањето на Шешељ по сите точки од обвинението, туку и поради начинот на кој е тоа направено, со што се негираат воените случувања и неговата улога и се одбива дека неговите говори на омраза поттикнувале на злосторства. Со ова напишаа една приказна која никој не ја доживеал, ниту ја видел како набљудувач, истакна Артман.
Според неа, оние кои пишувале за војната и за Хашкиот трибунал завршуваат во затвор, а оние кои извршиле злосторства се ослободуваат.
- Од каде тогаш надеж за жртвите дека правдата ќе биде задоволена, ако може да се стави се на еден лист хартија на кој пишува „никому ништо“, нагласи Артман.
Артман минатата недела беше уапсена пред седиштето на Хашкиот трибунал, додека ја чекаше пресудата на поранешниот лидер на боснаските Срби, Радован Караџиќ.
Правниот советник во српското Министерство за надворешни работи Саша Обрадовиќ изјави дека и за него пресудата била изненадување.
- Беше многу неочекувано. Колегите од другите дипломатски претставништва очекуваа Шешељ да биде осуден, а она што денеска го слушнавме е осуда на обвинителството за неговата целокупна работа во овој предмет, нагласи Обрадовиќ.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски