-->
-->
Арсенал сепак се засилува!!!
-->
Менаџерот на Арсенал, Арсен Венгер, во финишот на преодниот рок ќе потроши нешто повеќе од 50 милиони фунти на две засилувања кои ќе пристигнат од Шпанија. Венгер реши да го засили нападот и одбраната со Лукас Перез односно Шкодран Мустафи.
Арсенал минатата сезона имаше проблеми со напаѓачите, тоа е чувствително место во тимот на кое Венгер долго време бараше засилување. Откако не успеа со неколку звучни имиња (Мората, Манџукиќ, Кавани...), изборот на Венгер стана напаѓачот на Депортиво Ла Коруња Лукас Перез, кој едно време се поврзуваше со трансфер во Барселона.
Откупната клаузула на Перез изнесува 17,1 милиони фунти. Арсенал реши да ја активира клаузулата и да го донесе напаѓачот кој минатата сезона постигна 17 голови на 37 одиграни натпревари во шпанското првенство.
Венгер очајнички бара и централен дефанзивец откако искусниот Пер Метесакер се повреди. Партнер на Кошчелни ќе му биде Шкодран Мустафи за кого Арсенал на Валенсија ќе и плати 35 милиони фунти.
Кога ќе ги реализира овие два трансфери Арсенал ќе ја надмине сумата од 100 милиони фунти потрошени на засилувања во овој преоден рок. На „Емирејтс“, веќе пристигнаа Гранит Џака, Роб Холдинг, Такума Асано и Келечи Нвакали.
Арсенал на стартот од Премиерлигата, во првите две кола освои само еден бод, во првото коло загуби од Ливерпул (3-4), а во второто ремизираше со Лестер (0-0).
-->
-->
-->
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата