Армиите на САД и Филипините почнаа заеднички воздушни и поморски патроли во Јужното Кинеско Море
Филипинската и американската армија почнаа заеднички воздушни и поморски патроли во Јужното Кинеско Море, соопшти командата на филипинската армија на островот Лузон, а пренесуваат медиумите во источна Азија.
Заедничките воздушни и поморски патроли во Јужното Кинеско Море од гледна точка на Владата во Манила придонесуваат да се заштити суверенитетот на Филипините над териториите околу кои се спорат со Пекинг, но практично истовремено служат за спроведување на американската стратегија за ограничување на воено-политичкото влијание на Кина во Југоисточна Азија.
Поточно, тридневната патрола започна на 21 ноември, во близина на филипинскиот остров Манулис, на само околу 100 километри јужно од Тајван.
Станува збор за американски воен брод со невидливи карактеристики, извидувачки авион „П8 Посејдон“ и ловци-бомбардери „Ф-15“ на американските воздухопловни сили, три филипински бродови и три лесни борбени авиони „ФА-50“ и „А-29 Супер Тукано“ на филипинското воено воздухопловство.
Нивната крајна дестинација е ексклузивната економска зона на Филипините во Јужното Кинеско Море, која е предмет на спорот на таа земја со Народна Република Кина, бидејќи Пекинг ги смета за свои тие води.
Ново на Сител
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори
-
Сообраќајот се одвива непречено, по суви коловози, золемен интензитетот надвор од градските средини
-
Сончево и многу топло време со температури до 38 степени
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки
-
Голем шумски пожар на планина во северниот дел на областа Атика, поширокиот регион на Атина
-
Муцунски во Дубровник на средби со Радман, Кулеба и Лајчак, интегрирањето на земјите од Западен Балкан во ЕУ во фокусот на разговорите