Арифи: Шест случаи на коронавирус во тетовскиот регион
Градоначалничката на Тетово, Теута Арифи по денешниот состанок на Кризниот штаб информираше дека шест лица се заболени со коронавирус. Од шестте општини во тетовскиот регион само во две локални самоуправи нема позитивен случај.
– Бевме информирани од претставниците на здравствените институции дека имаме шест позитивни случаи со коронавирус. Од нив, тројца се со живеалиште во општина Тетово, еден во Боговиње, еден во Желино и еден во општина Јегуновце. Клиничката болница информираше дека располага со 400 кревети и екипи за можни нови позитивни случаи. Моментално во општина Тетово имаме 235 лица во самоизолација, а 64 лица се во карантин во хотелите во Попова Шапка, истакна Арифи.
Таа побара од банките да најдат начин за помал метеж пред нивните објекти.
– Апелираме до банките во градот да најдат модус за исплаќање на пензиите со цел да не се прави гужва од оваа група на граѓани кои се најизложени на опасноста од овој вирус, рече Арифи.
Според градоначалничката, направена е дезинфекција на сите градски населби и на селата Порој, Џепчиште, Мала и Голема Речица и на Попова Шапка. Преостанува дезинфекција на шарпланинските села како Сараќино и Фалише.
Ново на Сител
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра