-->
-->
Аргентина нема да го брани трофејот во Дејвис купот
-->

Тениската селекција на Аргентина нема да има можност да го брани трофејот во Дејвис купот освоен минатата година, откако во осминафиналето „гаучосите“ се елиминирани од Италија.
По голема борба во дуелите со италијанските тенисери, Аргентинците загубија со 3-2 во победи со што не успеаја да се пласираат меѓу осумте најдобри.
Во решавачкиот пети меч, кој траеше 4 часа и 15 минути, иако домашниот тенисер Гуидо Пела ги доби првите два сета со 6:2, 6:4, сепак Фабио Фоњини не се предаде и успеа да направи комплетен пресврт па следните три ги доби 3:6, 6:4 и 6:2, за со конечни 3-2 во сетови да и ја донесе на „Аѕурите“ третата победа во дуелите со Аргентина.
Италија во четвртфиналето ќе игра против селекцијата на Белгија која пак во осминафиналето беше убедлива во дуелите против Германија (4-1).
Потсетување дека во осминафиналето, беше елиминиран и минатогодишниот финалист Хрватска селекција која загуби од Шпанија со 3-2. Шпанците за противник во четвртфиналето ќе ја имаат Србија, а во другите два дуели ќе играат, Австралија – САД и Франција – Велика Британија.
Четвртфиналните натпревари ќе се играат од 7 до 9 април.
-->
-->
-->
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
