Апсења во Бугарија заради трговија со човечки органи
Бугарските власти уапсија 4 лица за трговија со човечки органи. Обвинети се тројца мажи и една жена, сите државјани на Бугарија.
Двајца од уапсените имале за задача да пронајдат донори од Софија и Монтана кои за пари ќе дадат еден свој бубрег за пациенти на кои им е потребна трансплатнација. Донорите добивале од 5 000 до 7 000 евра.
Тоа се сиромашни луѓе , најчесто од малцински групи и со голем финансиски долг изјави портпаролката на специјалното обвинителство на Бугарија. Истрагата утврдила дека најмалку 5 пациенти на тој начин добиле бубрег за трансплантација од февруари годинава. Останатите уапсени од групата според полицискиот извештај обезбедувале фалсификувани документи според кои донорот и пациентот се во сродство а потоа со тие документите биле носени во една турска клиника за прегледи и операциии. Тарифата на криминалната група по пациент била од 50 000 до 100 000 евра.
-
Емилија Штејров
Сите содржини од овој новинар