Апостолска: Компаниите ја препознаa владината поддршка
Компаниите ја препознаa поддршката што ја дава Владата за поттикнување нови инвестиции за проширување на производствените капацитети, усвојување нови и напредни технологии, формирање развојни центри и освојување нови пазари. Охрабрувачка е пораката која ја добиваме од бизнис секторот, бројот на склучени договори согласно Законот за финансиска поддршка на инвестициите од 97 во 2018 година се зголеми на 120 нови и 51 анекс договор кои годинава беа потпишани со домашни и странски компании, рече министерката без ресор задолжена за странски инвестиции Зорица Апостолска на денешната средба со менаџментот на компанијата „Раде Кончар-Контактори и Релеи“ од Скопје.
Според Апостолска, директните придобивки за стопанството кои ги испорачува владниот План за економски раст се должат и на дијалогот со бизнис заедницата.
-Потребите на реалниот сектор ја поставија рамката на владините економски политики за инвестирање во силна и стабилна економија. Изградивме воедначен пристап во поддршката на стопанството, домашните и странските компании преку транспарентен и законски втемелен процес ја добиваат финансиската поддршка која им стои на располагање, рече министерката.
На средбата Апостолска беше запознаена со инвестициските планови на компанијата, производствениот процес и производите кои се испорачуваат на светските пазари, при што од нејзина страна беше истакнато дека успешното работење на оваа компаија е потврда за успешните владини економски политики кои се фокусирани и на зголемување на инвестициите од страна на домашните компании.
„Раде Кончар-Контактори и Релеи“ е комапнија со домашен капитал која произведува апарати за заварување, контактори и релеи за дистрибуција на електрична енергија. За реализација на нови капитални инвестиции годинава потпиша Договор за финансиска поддршка согласно Законот за финансиска поддршка на инвестициите.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април