Анкета: Русите се уште поделени во ставовите за Октомвриската револуција
Катастрофа, државен удар или поттик за развојот на Русија: сто години по Октомвриската револуција Русите остануваат поделени по ова прашање, покажува анкета на рускиот институт ВЦИОМ.
Револуцијата од 1917 година „даде поттик на општествено-економскиот развој на земјата“, сметаат 38 проценти од испитаниците во анкетата, спроведена од 3 до 5 октомври со 1.800 луѓе во 46 руски области.
За 13 проценти од анкетираните целта на болшевиците била да и ја дадат „власта на народот, фабриките на работниците и земјата на селаните“, како што гласи познатиот слоган од тоа време.
Секој петти Русин, или 19 проценти, смета дека е „државен удар“, а за 14 проценти од анкетираните револуцијата „го запрела општествено-економскиот развој на земјата“. Покрај ова, 13 отсто се убедени дека револуцијата била „катастрофа“ за земјата.
Сепак, речиси сите испитаници, односно 92 проценти, се согласуваат дека во денешна Русија не треба да има нова револуција. Ваквата опција ја поддржуваат само пет отсто од испитаниците.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228