Анкета на Икс: Доволен (2) за судството и Владата, граѓаните најмногу се информираат преку ТВ
Истражувањето на Институтот за комуникациски студии покажува дека судството, со оценка 2,4, има најниска доверба кај граѓаните. Собранието има 2,7, а Владата од граѓаните добила оценка 2,8.
Најдобра оценка има Армијата, 4,9, а втори на листата се верските заедници со 4,4.
Оценувањето било на скала од 1 до 10.
На прашањето дали сметаат дека Јавното обвинителство редовно започнува постапки по допрен глас, во целост или делумно се согласиле само 6,1% од учесниците во ова истражување, додека повеќе од две третини или 73% изразиле несогласување.
Помалку од 1% од сите учесници во истражувањето потполно се согласуваат со тврдењето дека обвиненијата покренати од Јавното обвинителство редовно добиваат судска разрешница.
Помалку од 1% од испитаниците сметаат дека пратениците секогаш се грижат за граѓаните што ги претставуваат, додека 58,4% сметаат дека пратениците никогаш не се грижат за граѓаните.
Само 2,5% од учесниците потполно се согласуваат со тврдењето дека Владата работи отворено и етички, повеќе од две третини воопшто не се согласуваат со ова тврдење.
На прашањето колку се согласуваат или не се согласуваат со тврдењето дека Владата често има изговори за партиските функционери кои се однесуваат несоодветно, една четвртина од испитаниците потполно се согласуваат.
Најчест извор за добивање на информации за учесниците во истражувањето е телевизијата, односно ваков одговор дале 66,2%. Социјалните медиуми ги посочиле 57.3%. Значително помал процент се информираат преку онлајн агрегати на вести и веб-страници.
Анкетното истражување е спроведено на репрезентативен примерок од учесници, на возраст од над 18 години, од сите региони во државата, преку телефонска анкета во периодот од 20 октомври до 14 ноември годинава.
Ново на Сител
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах