Анкета: Германците не одобруваат истрага за наводна навреда врз Ердоган

Мнозинство анкетирани во Германија не поддржуваат истрага спрема телевизискиот водител Јан Бомерман кој на германска телевизија прочита сатирична песна за турскиот претседател Реџеп Таип Ердоган. Тоа се вели во резултати на анкета на YouGov.

Седумдесет и седум отсто анкетирани сметаат дека истрагата од Мајнц е несоодветна. Петнаесет отсто поддржуваат истрага, а 66 отсто ја критикуваат телевизијата што ја повлекла песната од интернет. За 48 отсто анкетирани текстот на песната е сосема прифатлив и не содржи никаква навреда.

Телевизискиот водител ја прочита песната, што сам ја напишал,  со навредливи „тонови“ спрема Ердоган во рамки на сатирично шоу Нео магазин ројал емитувано на Це-Де-Еф.

Германија доби вербална нота од Турција во која се бараат мерки за водителот. Германски претставници соопштија дека слободата на говор во државата е гарантирана со Уставот.