Анкета: ГЕРБ на Борисов со мала предност пред социјалистите
Ако сега се одржат парламентарни избори во Бугарија, најмногу гласови би добила десноцентристичката партија Граѓани за европски развој на Бугарија (ГЕРБ) на актуелниот бугарски премиер Бојко Борисов, покажуваат резултатите од телефонската анкета на агенцијата „Галуп“.
Како што јави БТА, според оваа анкета, за ГЕРБ би гласале 20,3 отсто од гласачите, но веднаш зад неа е опозициската Бугарска социјалиситчка партија (БСП) со 18,4 проценти.
Натаму следуваат националистичката коалиција Обединети патриоти со 10,1 отсто, партијата на бугарските Турци - Движењето за права и слободи (ДПС) со 6,3 проценти, Партијата на Веселин Марешки со 5,2 и конзервативната коалиција Реформски блок (РБ) со 3.3 отсто поддршка.
Сите останти партии уживаат поддршка помала од 1,5 проценти. Вкупно 21,7 отсто од анкетираните изјавиле дека нема да гласаат на следните избори, а 4,8 проценти рекле дека не поддржуваат ниту една партија.
Според „Галуп“, резултатите од анкетата покажуваат дека предноста на ГЕРБ пред БСП се топи, дека расте популарноста на „патриотите“ и на Веселин Марешки, а дека РБ се уште неможе да биде сигурен дека ќе го мине изборниот праг.
Анкетата е спроведена меѓу 19 и 21 декеври на примерок од 1.007 избирачи.
Бугарија ја очекуваат предвремени парламентарни избори на почетокот на претстојната пролет, откако ниту една партија не успеа да обезбеди мнозинство за фомирање нова влада по оставката на Кабинетот на Борисов кон средината на минатиот месец.
Ново на Сител
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра