Англискиот може да не биде веќе службен јазик во ЕУ

Англискиот јазик можно е да не биде веќе службен јазик во Европската унија откако Велика Британија гласаше да ја напушти заедницата, изјави претседавачот со Комитетот за уставни прашања во Европскиот парламент, Данута Хуебнер.

– Англискиот јазик беше службен бидејќи членка беше Британија. Ако во членство ја немаме Британија тогаш немаме ни англиски јазик, наведе Хуебнер.

Како што додаде, англискиот може да остане работен јазик, но за тоа согласност мора да дадат сите членки на Унијата.