Ангелов: Барањата на Бугарија се апсурдни

Претседателот на Достоинство, Стојанче Ангелов денеска истакна дека соседна Бугарија во втората светска војна биле окупатори.

Според него општо познато е дека Германија ја окупирала Македонија а бугарската држава била администратор што дефакто ја прави окупатор.

Ангелов вели дека треба да се фокусираме на иднината а не на историјата прво затоа што позицијата на Бугарија е апсурдна, а второ затоа што додека Бугарија и Македонија се караат за историјата, Илон Маск денеска лансираше четворица астронаути во меѓународната вселенска станица.

Ангелов заедно со претставници на семејства на загинати и воени инвалиди кој при распадот на Југославија се бореа во ЈНА положи свежо цвеќе на загинатите борци во овој конфликт. 

Инаку, иако Ангелов ја напушти функцијата Национален координатор за воени и полициски ветерани за да стане в.д. директор на Центарот за управување со кризи. Меѓутоа, вели дека се додека не се најде човек за неговата стара функција тој им стои на располагање на ветераните.

Даниел Василев