Анализи: Две дози на вакцината Астра Зенека против Ковид-19 се ефикасни во 85 до 90 проценти

Две дози на вакцината Оксфорд/Астра Зенека против коронавирус се ефикасни во 85 до 90 проценти во спречување симптоматско заболување, објави денеска Англискиот институт за јавно здравје (ПХЕ).

Институтот соопшти дека тие цифри се по анализи на одатоците добиени од процесот на вакцинација со таа вакцина.

Според нив, програмата за вакцинација спречила смрт на 13.000 лица над 60 години до 9 мај и спречила хоспитализација на 39.100 лица постари од 65 години.