Анализа за економската оправданост на малите спорови

Центарот за правни истражувања и анализи, во рамки на програмата „Подобрување на квалитетот на правдата во Македонија преку градење на капацитети за судии и мониторирање на судски реформи”, денеска ќе ја промовира анализата на трошоци и придобивки „Економска оправданост на споровите од мала вредност”.

Оваа анализа, како што наведуваат од Центарот, нуди процена на трошоците на товар на државата (буџет) и трошоците на товар на странката (судски такси и адвокатски трошоци) кои се поврзани со споровите од мала вредност.

Програмата е поддржана од Британската амбасада во Скопје.