Американскиот Конгрес усвои пакет итна помош за загрозените од Харви

Претставничкиот дом на американскиот Конгрес денеска едногласно усвои пакет итна помош во висина од 7,85 милијарда долари за загрозените од ураганот Харви.

Најголемиот дел од средствата ќе бидат одвоени од Федералната агенција за управување со вонредни ситуации (ФЕМА).

- По ваква катастрофа нашата нација е обединета, изјави лидерот на мнозинството во Претставничкиот дом, Кевин Мекарти.

Според проценките на експертите штетата што ја предизвика ураганот Харви се проценува над 150 милијарди долари.