Американската амбасадорка во ОН: Руска инвазија на Украина би ја отворила Пандорината кутија
– Постојаната претставничка на Соединетите Американски Држави во Обединетите нации Линда Томас Гринфилд изјави дека руската закана за Украина е многу поголема од украинскиот проблем и предупреди дека евентуална руска инвазија „ќе ја отвори Пандорината кутија“.
На прес-конференција Гринфилд ја обвини Русија дека покрај воените активности извршува кибер напади, паравоени активности и кампањи за дезинформација.
Наведувајќи дека „руските активности против Украина не се само регионални“ и дека заканата за Украина е многу поголема од украинскиот проблем, Гринфилд предупреди дека „инвазијата би ја отворила Пандорината кутија“.
– Гледаме дека 127.000 војници се распоредени на границата. Русите, исто така, испратија војници и во Белорусија, рече Гринфилд, пренесува Анадолија.
Наведувајќи дека продолжуваат со напорите за дипломатско решение на украинско-руската криза, Гринфилд рече дека ќе бидат воведени „агресивни санкции“ кон Русија во случај на инвазија.
Ново на Сител
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик
-
Православните верници го слават Велигден
-
ЦУК: Имаше пожар во Домот за стари лица во Банско
-
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
-
Италија ја исклучи можноста за воена интервенција во Украина