Амбулантно возило донација од Словачка за Здравствен дом-Битола
Амбасадорот Мартин Безак денеска на директорот на Здравствениот дом Битола, Благоја Радевски му предаде амбулантно возило, донација од Република Словачка.
За време на доделувањето на донацијата на ЈЗУ Здравствен дом во Битола амбасадорот Безак информира дека набавката на возилото ја обезбедиле приватната компанија „Фалк захрана“ од Словачка, амбасадата на Словачка и словачката агенција за меѓународна размена и помош.
- Продолжуваме со проектот донации на амбулантни возила. Минатата година ваква донација доделивме на Здравствениот дом во Скопје, а денеска и во Битола. Станува збор за амбулантно возило, марка „мерцедес бенз спринтер“ за потребите на службата за итна медицинска помош. Возилото е опремена со соодветна медицинска техника и во него има дефибрилатор, монитор, аспиратор и друга опрема за прва медицинска помош, истакна амбасадорот Безак.
Директорот на ЈЗУ Здравствен дом-Битола, Благој Радевски потврди дека станува збор за единствено амбулантно возило од марката „мерецедес бенз“ со која во иднина ќе се овозможува брза помош на пациентите на кои таа ќе им биде неопходна.
Ново на Сител
-
Возете внимателно во дебарскиот регион, има одрони
-
Мицкоски: Утре на Влада ќе се разгледува информацијата за повисоки пензии
-
ЦУК: Интензивен пороен дожд и грмежи во Тетово и Скопје
-
Спасен повреден странски турист во Охрид кој паднал во тешко пристапен терен
-
Главчев: Ќе ги потсетам европските лидери кои се условите за прием на Северна Македонија во ЕУ
-
Приведен бегалец од затвор
-
По вчерашното невреме: Се поплави „8ми Септември“ - Затворени операционите сали
-
Позната е новата цена на струјата