Амбасадорот Бејли во посета на Дебар

Економската состојба во општина Дебар, бројот на дебарската дијаспора во САД, односите на дебарската дијаспора со родниот крај, како и актуелната политичка состојба во земјава, беа темана разговор на денешната средба во Дебар меѓу американскиот амбасадор Џес Бејли и градоначалникот Ружди Љата.

Градоначалникот Љата посочил дека над 15 илјади дебарчани живеат во САД и  оти претставуваат силна подршка и за нивните семејства во Дебар.

Амбасадорот Бејли потоа учествуваше на дебатата на тема „Изборниот систем во САД“ организирана во рамките на проектот „Форум за реформи“  во соработка со општина Дебар. Дебатата беше организирана од Ејона Казиу, стипендистка на Институтот „Бенџамин Френклин“ преку проектот на овој Институт „Форум за реформи“.  

Бејли одговараше и на прашања на учениците.