Амбасадорката на Кина во посета на Свети Николе

Во посета на Општина Свети Николе денеска беше амбасадорката на Народна Република Кина, Џијанг Сјаојан. Градоначалникот на Општина Свети Николе, Дејан Владев информираше дека со амбасадорката Сјаојан имале официјална средба во неговиот кабинет, на која биле разгледани повеќе теми од заемен интерес и можности за понатамошна соработка.

- По средбата, делегацијата го посети ЈКП „Комуналец“ – Свети Николе, каде што беше претставена тековната работа и идните планови на претпријатието. Од наша страна беше изразена искрена благодарност за вредната донација ,машината Метларка што ни беше доделена, како и за досегашната поддршка, вели Владев.

Тој истакна дека Општина Свети Николе останува посветена на унапредување на партнерствата, кои придонесуваат за развој и подобрување на локалната заедница. 

МИА