Алкалоид бележи раст во сите сегменти, продажбата дома зголемена за 6% во странство за 21%

Фармацевтската компанија Алкалоид бележи раст во сите сегменти од работењето во првото полугодие од оваа година.

Според неревидираниот шестмесечен извештај, компанијата има зголемена продажба за 13%.

Продажбата на домашен пазар е зголемена за 6%, а извозот за 21%. Алкалоид најмногу извезувал до Русија каде е забележан раст од 95%, во Германија се извезени 49% повеќе стоки, во САД за 15%

Нето добивката за периодот јануари јуни е зголемена за 22%.  Вкупните инвестиции во основни средства во истиот период изнесуваат 6, 8 милиони евра, а реализирани се и 80 нови вработувања.