Аљуш Камбери и Тони Димков добитници на наградата „Јасмин“ за 2016 година

Публицистот Аљуш Камбери и новинарот Тони Димков се добитници на државната награда „Мито Хаџи Василев-Јасмин” за 2016 година, соопшти Министерството за култура. 

Наградата се доделува за остварувања во областа на публицистиката и новинарството од интерес на Република Македонија. Одлуката ја донесе Одборот за доделување на наградата под претседателство на Јордан Плевнеш. 

Наградата на годинашните добитници ќе им биде врачена на 21 декември 2016 година во Собранието на Република Македонија.