Алексеј Уљукаев официјално обвинет за мито и уцена

Портпаролката на рускиот Истражен комитет Светлана Петренко денеска изјави дека истражителите поднеле обвинение против министерот за економски развој Алексеј Уљукаев.

- Тој е обвинет за земање на големо мито и уцена, истакна Петренко.

Претходно, Истражниот комитет соопшти дека на Уљукаев му се заканува затворска казна од осум до 15 години.

Портпаролот на Кремљ Дмитриј Песков изјави дека претседателот Владимир Путин е известен за синоќешното апсење на Уљукајев, кој беше фатен на дело додека зема мито.