Албанските, македонските и косовските иселениците за неколкупати го зголемија проток на патници во пристаништето Драч
Иселениците, албански, македонски и косовски државјани, кои главно живеат и работат во Италија, а летниот одмор го минуваат во родниот крај, за неколкупати го зголемија протокот на патници и возила во албанското пристаниште Драч.
-Над 15 илјади лица влегле во земјава од морското пристаниште Драч во текот последните денови. Летните одмори значително го зголемија бројот на патници кои пристигнуваат на овој граничен премин од италијанските пристаништа. Главно станува збор за иселеници албански граѓани, како и косовски и македонски. Меѓу патниците има и италијански граѓани кои одлучиле одморот да го минат на албанското крајбрежје, пренесуваат албанските медиуми.
Додаваат дека зголемувањето на побарувачката условило зголемување на бројот на релациите по Јадранот. Двојните пловидби започнаа на линијата со Бари од четврток до недела, додека траектот од Анкона ќе плови секој ден.
Надлежните наведуваат дека се преземени сите мерки за обработка без одложување и создавање на потребниот застој, со зголемување на бројот на шалтери и персонал.
-Последните денови од овој и првите од следниот месец, вообичаено ќе донесе поголем проток на пристаништето бидејќи илјадници припадници на албанската дијаспора во земјите од Европската унија, главно оние кои живеат во Италија, летуваат и се враќаат во татковината во близина на нивните семејства и роднини, посочуваат медиумите.
Тоа го прават и македонските и косовските иселеници, бидејќи по изградбата на автопатот Тирана-Кукс, граничен премин Морина и Тирана- граничен премин „Блато“ кај Дебар, оддалеченоста е видно намалена.
Ново на Сител
-
Специјалните сили на Македонија дел од мултинационална воена вежба во Грција
-
30 годишник проголтал хероин додека полиција вршела претрес во неговиот дом во Кавадарци
-
Студенти на УКИМ го претставија првиот болид на натпревар во Хрватска
-
Николовски - Станков: Унапредување на соработката на Царинска управа и Државниот завод за статистика
-
Велика Британија испраќа 650 проектили за Украина за заштита од руски напади
-
Вучиќ: Oдлука за поканата на Путин ќе ја донесам на 10 или 15 октомври
-
ВМРО-ДПМНЕ: Филипче криел фирма во Бугарија
-
Пад на извозот, зголемен увозот - трговскиот дефицит до јули 1,92 милијарди евра