Албанија годинава со рекорден историски увоз на електрична енергија од 213 милиони евра
Увозот на електрична енергија во Албанија годинава достигна рекордна вредност, највисока досега во историјата на државата, за што од јануари до ноември се потрошени 213 милиони евра, наведува во анализата весникот „Монитор“. Како што јави дописничката на МИА од Тирана, во анализата се додава дека за да се разбере финансиската дупка предизвикана од ситуацијата во финансиите, доволно е да се каже дека оваа сума претставува 44,42 отсто од вкупниот приход на Електродистрибуција. – Цените на увозот по денови и недели се движеле од 220 до 320 евра по мегават.
Доколку хидролошката ситуација не претрпи тековно подобрување, на компанијата ќе и требаат уште најмалку 65-70 милиони евра за набавка на струја до крајот на годинава, констатира „Монитор“. Исто така, оценува дека месец со најголеми енергетски трошења најверојатно ќе биде ноември, кога од 3. до 23 ноември се потрошени 65 милиони евра, во кој износ не е внесена сумата за последната недела од месецот, и додава дека во октомври биле потрошени 65,8 милиони евра. Електродистрибуција претходно информираше дека увозот од јануари до септември бил 83 милиони евра.
– Во моментов земјава е во вонредна состојба во снабдувањето со електрична енергија и за ова се преземени низа мерки, како што се суспендирање на инвестициите од пазарните оператори, обезбедување 100 милиони евра со цел да се обезбеди енергија за потрошувачката во земјава, пишува „Монитор“. Владата деновиве одобри и нови 100 милиони евра кои ќе се користат за увоз на струја за следната година.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“