Ахмети: Убеден сум дека преку конструктивни разговори со Бугарија ќе се надминат отворените прашања
Претседателот на ДУИ Али Ахмети е убеден дека преку конструктивни разговори со Бугарија, сите отворени прашања ќе се надминат пријателски и Бугарија ќе остане силен поддржувач на Република Македонија како дел од Европската Унија.
Ахмети ова го истакнал на денешната средба со шефот на мисијата на ОБСЕ во Скопје, амбасадорот Клеменс Која, на која исто така го информирал дека функционалноста на коалицијата и Собранието е на ниво и дека таа функционира според сите принципи што ја водат земјата кон Европската унија.
Како што соопшти ДУИ, за време на оваа средба, Ахмети и Која разговараа и за предизвиците со пандемијата предизвикана од вирусот КОВИД-19, за најдобрите начини за справување со оваа состојба, за економската поддршка и помошта за компаниите и граѓаните преку мерки што придонесуваат за полесно надминување на последиците предизвикани од КОВИД-19.
Ахмети му порачал на амбасадорот Која дека соработката на земјата со Мисијата на ОБСЕ е од голема важност, особено во делот на користењето на искуствата и експертизата што ги добиваме во повеќе области.
За време на средбата, лидерот на ДУИ и шефот на мисијата на ОБСЕ во земјата разговарале и за регионот и ситуацијата создадена по поднесувањето на обвиненија од Специјалниот суд против претседателот на Косово, претседателот на Парламентот на Косово и неколку други поранешни водачи на Ослободителната војска на Косово (ОВК).
– Ахмети му повтори на амбасадорот Која дека војната на ОВК беше војна за слобода, праведна и дека и последните обвинети ќе се вратат со бел образ од Хаг и конечно ќе ја докажат чистата војна што ја водеше Косово и нејзиниот народ, се наведува во партиското соопштение.
Ахмети и Која изразиле подготвеност за продолжување на меѓусебната соработка во сите сегменти кои се во надлежност на ОБСЕ.
Ново на Сител
-
ОЈО Битола доби нов Истражен центар за борба против најтешките и најсериозните облици на криминал
-
Николоски: Клучната разлика меѓу оваа и претходната влада е што сега се испорачуваат резултати, откочени се проектите од коридорите 8 и 10
-
Мицкоски: Тоа што не успеаја Тодор Живков и други бугарски политичари со Македонија успеа во време на СДСМ
-
До 13 часот изгаснати четири пожари, еден активен во Берово
-
Украинскиот парламент усвои закон со кој се обезбедува независност на антикорупциските надзорни тела
-
Зеленски повика на „промена на режимот во Русија“ и конфискација на рускиот имот
-
Комисијата за избори и именувања распиша јавен оглас за нов претседател на ДКСК по оставката на Димитровска
-
Во јуни раст од 22.5 % во трговија на мало со храна, пијалаци и тутун