Ах Срби, Срби повторно правите глупости

Мирослав Ќиро Блажевиќ, еден од најдобрите тренери на просторите на поранешна Југославија, човек што со Хрватска го освои третото место на Светското првенство во 1998 година, има интересно видување за смената на селекторот на фудбалската репрезентација на Србија, Славољуб Муслин.
Србија под водство на Муслин успеа да го освои првото место во својата квалификациска група и да избори директен пласман на Светското првенство. Србија последен пат на едно големо натпреварување играше во 2010 година на мундијалот во Јужна Африка.
Сепак, Муслин замина од селекторската функција кога по долгите разговори со претседателот Славиша Кокеза, спогодбено го раскина договорот со Фудбалскиот сојуз на Србија.
Наводно, челниците на Сојузот имале забелешка на дефанзивната тактика што ја форсирал Муслин, како и тоа што не ги повикувал во репрезентацијата младите таленти Сергеј Милинковиќ-Савиќ од Лацио и Андрија Живковиќ од Бенфика.
Заминувањето на Муслин на свој оригинален начин го коментирал Ќиро Блажевиќ.
„Мене тој Славиша да ми дојдеше со таква идеа, би го испратил на психијатар. Вие Србите знаете да правите глупости, но ова ги преминува сите граници. Вече сте правеле слични работи. Тоа е аномалија, а вие Србите често го правите тоа“, изјавил Ќиро за српски „Курир“.
Поради сè што се случува во репрезентацијата, Блажевиќ не е оптимист дека Србија може да оствари некој позначаен резултат на Светското првенство.
„Не сум оптимист. Со оглед на тоа што се случува кај вас, бргу ќе се вратите дома од Русија. Експресно ќе се вратите“, заклучил познатиот хрватски тренер.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
