Агрегатот на Гинекологија работи, тврди министерот за здравство

Техничките служби на Клинички го информирале министерот за здравство дека агрегатите кои ги имаат Клиниките се во ред и нема потреба од било какви интервенции. 

Исправен бил и агрегатот на Гинекологија тврди Филипче, иако вчера имаше информации дека во периодот кога Клинички останал без струја на ГАК се вклучил само УПС системот а не и агрегатот.

За функционалноста на овие уреди била задолжена Службата за општи и заеднички работи која е во кругот на Клинички центар.

И додека надлежните тврдат дека се е во ред, вчера поради немањето на струја се исклучиле компјутерите во амбулантите а со тоа паднал и „Мој Термин“,  па закажаните пациенти морале да чекаат. На социјалните мрежи, пак, имаше коментари дека и операциони сали на Гинекологија биле во темница.

Сања Димитровска