Адвокат тврди дека постојат докази за злоставување деца од католички хор во Регенсбург

Адвокат задолжен за испитување наводи за злоставување деца од католички хор во Регенсбург на југ во Германија, изјави денеска дека постојат документи за 231 случај на злоставување – од претепување до силување.

Урлих Вебер изјави дека постојат 50 веродостојни случаи на сексуално злоставување деца од тој хор на Регенсбуршката катедрала и ученици во две школи меѓу 1953 и 1992 година.

Вебер е ангажиран од епархијата (диоцеза) во Регенсбург. Тој вели дека поранешниот диригент на хорот Георг Рацингер мора да знае за дел од случаите. Рацингер е постар брат на поранешниот папа Бенедикт Шеснаесетти.