Администрацијата на Трамп одби да воведе нови санкции кон Русија

Американската администрација на  претседателот Доналд Трамп го информираше Конгресот дека нема да воведе никакви нови санкции кон Русија.

Стејт департментот на САД смета дека законите кои беа донесени минатата година во доволна мерка спречуваат трговија со руската одбранбена индустрија.

Портпаролката на Стејт департментот, Хедер Наварт оцени дека поради снакциите, странски влади се откажале од неколку планирани или најавени купувања на руско оружје во вредност од милијарди долари.

Одлуката доаѓа во време на постојани критики кон американскиот претседател дека неговата Аадминистрација е „премногу мека“ кон Русија и во време кога продолжува истрагата за наводното влијание на Москва врз изборната победа на Трамп во 2016 година.