Адеми: Вложивме 40 милиони денари за спортската сала на ОУ „Мустафа Кемал Ататурк“ во Гостивар
Министерот за образование и наука Арбер Адеми учествуваше на пуштањето на новата спортска сала на основното училиште „Мустафа Кемал Ататурк“ во Гостивар, која, како што рече, освен за учениците и наставниците од ова училиште, е значајна и за другите млади кои се занимаваат со рекреација и спорт, како и за клубовите, здруженијата и организации.
Салата ги задоволува сите стандарди што ги бараат федерациите и националните и меѓународните организации, за што министерот Адеми изрази уверување дека „од тука ќе произлезат многу нови врвни спортисти и спортски работници, ќе бидат иницирани врвни успеси и достигнувања кои ќе бидат само потврда на исправноста на политиката на државата да вложува што повеќе во спортот и спортската инфраструктура во сите региони и општини во земјата подеднакво”.
Тој информира дека инвестицијата во салата е вредна 40 милиони денари и е дел од проектот “Изградба и опремување на 145 спортски сали во училиштата” финансиран преку Банката за развој на Советот на Европа и буџетот на Министерството за образование и наука.
Преку овој проект, како што информираат од МОН, досега целосно се изградени и опремени 65 спортски објекти, од кои 26 во средни училишта и 39 во основни училишта.
-Само годинава успеавме да ја заокружиме изградбата на пет објекти, додека други девет започнавме да ги градиме, а активностите се во тек и етапно ќе бидат заокружувани, додаде министерот за образование и наука.
Спортската сала на ОУ „Мустафа Кемал Ататурк“ е со површина од 1.300 квадратни метри и има вградени гардеробери, туш-кабини, простории за сместување на спортските реквизити, како и посебни простории за наставниците по спорт и спортски активност. Опремена е со реквизити за кошарка, ракомет, мал фудбал, одбојка, пинг понг и гимнастика.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО